“Ndryshuar me Vendimin nr. 11, date 02.07.2010 te Keshillit Drejtues “Per disa shtesa dhe ndryshime ne rregulloren e brendshme te Shkolles se Magjistratures”

 

“Ndryshuar me Vendimin nr.19, datë.21.06.2011, të Këshillit Drejtues” 

Rregulli I:

Mënyra e korrigjimit të provimit do të jetë anonime.

Në konkurs kandidati duhet të ketë me vete vetëm dokumentin e identifikimit. Materialet për zhvillimin e konkursit do të jepen nga shkolla.

Aplikimi:

 

 

Rregulli II:

Gjatë provimit, e gjithë salla do të jetë nën mbikqyrjen e një grupi individësh të pavarur.

Studentët nuk duhet të flasin ose të japin e marrin asistencë nga njeri – tjetri apo nga të tjerë gjatë provimit, për asnjë lloj arsyeje.

Aplikimi:

Në qoftë se një gjë e tillë ndodh, atëherë administratori i provimit (Drejtoria) vendos menjëherë përjashtimin e studentëve nga salla e provimit, si dhe deklarimin e provimit të tyre të pavlefshëm.

Në qoftë së një student merr ndihmë nga dikush të dy palët do të skualifikohen në bazë të rregullit II.

Monitorët do të jenë persona jo të përshirë në në sistemin gjyqësor shqiptar dhe jo me profesion juriste apo pedagoge të Shkollës së Magjistraturës. Ata do të jenë përfaqesues shqiptar dhe të huaj nga organizata me të cilat Shkolla e Magjistraturës ka pasur dhe ka marrëdhënie bashkëpunimi. Në qoftë se monitorohet do të vënë re shkelje sado të vogla të rregullave të provimit, ata do t’i kërkojnë studentëve që të lënë sallën menjëherë, si dhe do të njoftojnë administratorin e provimit.

 

Rregulli III

Gjatë provimit, studentët nuk lejohen të shënojnë ose lënë emrin apo shenja sado të vogla në fletët e provimit, me të cilat nenkupohen shprehje ose citime qe e bejne fleten e provimit te identifikueshme si psh:.

·         Shkrimi i të gjithë provimit ose një pjese me gërma kapitale

·         Nënvizimi i fjalëve apo shprehjeve

·         Përdorimi i emrave të personave pjesëmarrës

·         Përdorimi i emrave të autorëve të teksteve

·         Përdorimi i të dhënave identifikuese qe lidhen me punën e kandidatit, familjen, shkollën që ka ndjekur etj.

Në rast të një korrigjimi, fjala ose shprehja do të futet në kllapa, do t’i kalohet një vijë sipër sipas këtij modeli: (gabim).

Aplikimi: Në rast së konstatohen shenja të ndryshme në fletët e provimit, ato do të shpallen të pavlefshme dhe kandidati humb të drejtën për të konkuruar.

Rregulli IV

Në përfundim të provimit të gjitha fletët do të vendosën në një kuti të vulosur. Gjithashtu edhe zarfat e vegjël do të jenë të futura në një kuti të vulosur. Kutitë e vulosura do të ruhen pranë zyrave të partnerëve tanë ndërkombëtarë.

 

Aplikimi:

Kutia me fletët e provimit do të hapet vetëm në ditët e korrigjimit në prezencë të komisionit të korrigjimit. Gjithashtu zarfi i madh me zarfat me numrat korrespondues do të hapet në prani të komisionit të korrigjimit. Pasi të shpallen rezultatet në bazë të numrave të sekretimit hapja e zarfave të vegjel me emrat do të bëhet në datë ____________ ora______________ në prani të konkuruesve në ambjentet e Shkollës së Magjistraturës.

Nëse pas marrjes së rezultateve ka rezerva për rezultatin, kandidati ka të drejtë të verifikojë përgjigjet e veta. Fletët e provimit mund të shikohen nga kandidati, vetëm në sallën e vënë në dispozicion nga Shkolla, në prani të një personi të caktuar nga admnistratori dhe nuk lejohet fotokopjimi ose marrja e fletëve të provimit. Kur konstaton pasaktësi matematikore ose të ndonjë lloji tjetër me karakter procedurial, kandidati paraqet vërejtjet me shkrim brenda tre ditëve nga shpallja e rezultateve.

Nuk ka seancë ballafaqimi direkte me jurinë e vlerësimit.     

 

 

Rregulli V

 

Provimi me shkrim zhvillohet në një ditë për të dy profilet ( gjyqtar dhe prokuror ). Në pjesën e parë zhvillohet teza e formimit të përgjithshëm intelektual e cila përmban: Testin e Inteligjencës, një Esse dhe Testi i Etikës Komunikimit dhe Sjelljes qytetare, ndersa ne pjesen e dyte zhvillohet nje test profesional i cili permban pjesen teorike nga fushat e së drejtës të parashikuara në programin e provimit të pranimit dhe pjesën praktike me dy raste nga praktika gjyqësore.

 

Aplikimi:

Teza e provimit vlerësohet maksimalisht me 450 pikë.

Me 100 pikë vleresohet teza e provimit të formimit të përgjithshëm intelektual nga të cilat me 40 pikë vlerësohet Esse-ja, testi i Inteligjences me 30 pikë dhe Etika Komunikim dhe Sjellje qytetare me 30 pikë.

Me 350 pikë vlerësohet Testi Profesional nga të cilat; me 250 pikë vlerësohet pjesa teorike të cilat ndahen; 50 pikë për pjesën teorike të së drejtës civile, të drejtës penale, procedurës civile dhe procedurës penale dhe me 50 pikë vlerësohet pjesa teorike e degëve të tjera të së drejtës si; e drejta kushtetuese, e drejta administrative.

Pjesa e rasteve praktike vlerësohet me 100 pikë, nga 50 pikë për secilin rast praktik .

 Rregulli VI

Për të shmangur vlerësimin me të dhjetat dhe të qintat e një pike tek testi i inteligjencës, mënyra e korigjimit të gabimeve e parashikuar në rregullore nuk vlen  për testin e inteligjencës.

 

Aplikimi:

 

 

Rregulli VII

 

Përgjigja e cdo teze duhet të jepet me shkrim nga anëtari përkatës i Komisionit, e nënshkruar prej tij dhe i dorëzohet administratorit të provimit.

Të bëhet publike në faqen e internetit një përshkrim i tezës dhe jo vetë teza, për të përjashtuar mundësinë e mospërdorimit të elementëve të saj në provimet e viteve të mëvonshme.