Në kuadër të Programit të Formimit Vazhdues, Shkolla e Magjistraturës organizon në datë 26 Janar 2023 aktivitetin me temë “Shfrytëzimi seksual online i të miturve dhe metodat e hetimit. Raste të praktikës gjyqësore. Problematikat dhe sfidat në luftën kundër shfrytëzimit seksual të të miturve.”
Paneli në këtë aktivitet trajnues përbëhet nga:
Ekspertë ShM:
Tereza Merkaj
Marjeta Zaimi
Lehtësues ShM:
Denisa Asko
Gjatë këtij aktiviteti u trajtuan tema të ndryshme si:
- Koncepte dhe përkufizime lidhur me shfrytëzimin seksual të të miturve.
- Kuadri ligjor ndërkombëtar dhe kombëtar në fushën e mbrojtjes së fëmijëve nga shfrytëzimi seksual.
- Pornografia e të miturve & Interneti. Ndikimi i rrjeteve sociale në joshjen për shfrytëzimin seksual të të miturve apo për pornografi të të miturve.
- Si mund të parandalohen krimet seksuale ndaj të miturve?
- Praktika gjyqësore për pornografinë e të miturve on line dhe shfrytëzimin seksual të tyre.
- Trajtimi i të miturit viktimë e abuzimit seksual përgjatë proçesit penal. Fazat e intervistimit të një të mituri viktimë e abuzimit seksual në proçesin penal.
- Garancitë e Kodit Penal për mbrojtjen e të miturve ndaj krimeve seksuale të kryera nëpërmjet internetit.
- Mënyra e gjurmimit dhe raportimit të veprave penale me objekt abuzimin seksual të fëmijëve.
- Raste të praktikës hetimore dhe gjyqësore të çështjeve penale me objekt abuzimin seksual të të miturve.
- Terminologjia dhe hetimi i abuzimit online të fëmijëve.
- Parashikimi i Konventës se Budapestit dhe legjislacionit shqiptar.
- Jurisprudenca e GJEDNJ-së lidhur me mbrojtjen e integritetit seksual të të miturve viktimë dhe garantimin e të drejtave të tyre në proçesin penal