Shkolla e MagjistraturësMe ftesë të Departamentit të Tregtisë të Shteteve të Bashkuara të Amerikës, përfaqësues të Shkollës së Magjistraturës mori pjesë në Simpoziumin për Zgjidhjen Alternative të Mosmarrëveshjeve që zhvillohet në Turqi në datat 4-6 Maj 2026. Në këtë aktivitet morën pjesë magjistratë dhe përfaqësues të akademive të drejtësisë nga Evropa, Eurazia, Lindja e Mesme dhe Afrika e Veriut.
Zbatimi i kontratave dhe zgjidhja efikase e mosmarrëveshjeve janë thelbësore për tërheqjen e investimeve dhe avancimin e objektivave të rritjes ekonomike, duke krijuar gjithashtu një mjedis të favorshëm për bizneset në nivel global.
Simpoziumi ndan të drejtën dhe praktikën ndërkombëtare të zgjidhjes alternative të mosmarrëveshjeve (ADR), si dhe praktikat gjyqësore nga secili vend pjesëmarrës. Sistemet gjyqësore pjesëmarrëse krijuan një plan veprimi për përfshirjen e mekanizmave efikasë të zgjidhjes së mosmarrëveshjeve, duke përfshirë arbitrazhin dhe ndërmjetësimin, në qendrat e tyre të trajnimit si për arsimin fillestar gjyqësor ashtu edhe për programet e arsimit të vazhdueshëm.
Shkëmbimet në këtë simpozium theksuan rëndësinë e institucioneve të forta gjyqësore, bashkëpunimit ndërkufitar dhe kornizave moderne të ADR-së në mbështetjen e klimës së investimeve dhe sigurisë tregtare në të gjithë botën.
