22.5.2026 - Njoftim për përfundimin e korrigjimit të provimit të pranimit për ndihmës ligjor, shpallja e rezultateve

Shkolla e Magjistraturës shpalli sot, më datë 22 maj 2026, rezultatet e vlerësimit të provimit të pranimit për ndihmës ligjor dhe renditjen e konkurrentëve sipas këtyre rezultateve.

Mbi procesin e vlerësimit

Pas provimit të pranimit të ndihmësve ligjorë, më datë 19 maj 2026, Këshilli Drejtues i Shkollës së Magjistraturës, i mbledhur po këtë ditë, caktoi komisionin e vlerësimit të provimit.

Komisioni i vlerësimit u mblodh në Shkollë më datë 20 maj 2026 për të hartuar çelësin e përgjigjeve mbi të cilin do të vlerësoheshin kandidatët. Çelësi i tezave u shpall menjëherë publikisht në mjediset e Shkollës së Magjistraturës dhe në faqen zyrtare.

Procesi i korrigjimit të provimit u zhvillua i pandërprerë prej datës 20 maj 2026 deri në datën  22 maj 2026, në mjediset e Shkollës së Magjistraturës, sipas parashikimeve të Rregullores së Brendshme të Shkollës lidhur me rregullat e procesit të korrigjimit.

Shpallja e rezultateve

Shkolla e Magjistraturës, në datën 21 maj 2026, njoftoi publikisht për zhvillimin e procesit të identifikimit më 22 maj 2026, ora 14.00.  Më 22 maj në mjediset e Shkollës dhe në faqen zyrtare dolën paraprakisht rezultatet e provimit, sipas numrave të sekretimit. 

Procesi i identifikimit filloi në orën 14:00 minuta. Në shpalljen e rezultateve ishin të pranishëm një pjesë e mirë e konkurrentëve. Ky proces u ndoq në kohë reale nga të interesuarit, në adresën e njoftuar nga Shkolla, në mënyrë që kushdo të njihej me procedurën dhe rezultatet e vlerësimit. Në përfundim të këtij procesi, Shkolla publikoi listën përfundimtare ku u renditën konkurrentët sipas pikëve të marra prej tyre. 

Afati i ankimit

Konkurrentët kanë të drejtë të ushtrojnë të drejtën e ankimit brenda 3 (tre) ditëve nga shpallja e rezultateve.

Mbi rezultatet e vlerësimit

Nga 87 (tetëdhjetë e shtatë) konkurrentë që morën pjesë në provimin e pranimit për ndihmës ligjor, 54 (pesëdhjetë e katër) prej tyre arritën të vlerësohen me më shumë se 50% (pesëdhjetë për qind) të pikëve maksimale të mundshme (njëqind pikë). Pra, 62% (gjashtëdhjetë e dy për qind) e konkurrentëve arritën të kalonin pragun minimal të vendosur nga Rregullorja. 

Renditja e emrave