SQ
ENShkolla e Magjistraturës
Platformat Digjitale
Platformat që Shkolla e Magjistraturës përdor për konkurrimin, formimin, leximin dhe diskutimin profesional.
Si të kyçeni në platformat e Shkollës?
- Nëse jeni subjekt i programeve formuese të ShkollësSubjektet që ndjekin programet profesionale të Shkollës përfshijnë: kandidatët në profile të ndryshme që ndjekin Programin e Formimit Fillestar, magjistratët në detyrë, avokatët e shtetit në detyrë, nëpunësit civilë gjyqësorë dhe të prokurorisë në detyrë, etj., duhet të përdorni llogarinë tuaj emer.mbiemer@magjistratura.edu.al. Nëpërmjet kësaj llogarie, ju keni një adresë emaili me të gjitha mjetet e paketës Office, si dhe aksesin e unifikuar në të gjitha platformat e Shkollës nëpërmjet funksionalitetit “Kyçu me Microsoft”.
- Nëse nuk jeni subjekt i programeve profesionale të Shkollës, atëherë duhet të përdorni aksesin klasik (me email / username dhe password) në platformat përkatëse.
Materiale ndihmuese
Udhëzuesit, dokumentet dhe videot ndihmuese do të publikohen këtu së shpejti.
Kontakto suportin
SMVSHM
Sistemi i Menaxhimit të Veprimtarisë së Shkollës së Magjistraturës
Në SMVSHM zhvillohet i gjithë procesi i konkurrimit, nga ngarkimi i dokumenteve te vlerësimi i dokumentacionit. Kandidatët në Formimin Fillestar (për magjistratë, avokatë shteti, ndihmës ligjorë etj.) ndjekin këtu vlerësimet, listëprezencat dhe orarin. Moduli i Formimit Vazhdues u mundëson magjistratëve (dhe jo vetëm) aplikimin në kalendar, përzgjedhjen në trajnime, historikun e trajnimeve ku kanë marrë pjesë ndër vite, menaxhimin e dokumenteve të një trajnimi të caktuar etj.
Biblioteka Digjitale
Librat, manualet dhe periodikët e Shkollës, për t'u lexuar online.
Pas regjistrimit, librat dhe periodikët lexohen drejtpërdrejt në shfletues. Koleksioni përfshin manuale dhe udhëzues për praktikën gjyqësore, të vëna në dispozicion të kandidatëve që ndjekin Programin e Formimit Fillestar, magjistratëve në detyrë, avokatëve të shtetit në detyrë, si dhe nëpunësve civilë gjyqësorë që ndjekin programet e formimit vazhdues të Shkollës.
Forumi i Shkollës së Magjistraturës
Diskutime ndërmjet profesionistëve të drejtësisë mbi çështje juridike dhe jurisprudencën.
Temat janë të ndara sipas fushave, si p.sh.: Procedura Penale dhe E Drejta Civile, si dhe diskutimet më të fundit shfaqen në faqen kryesore. Çdo diskutim mbledh në një vend pyetjen, përgjigjet e kolegëve dhe qëndrimet e tyre.
Komentari Elektronik
Komentari i ligjit për Statusin e gjyqtarëve dhe prokurorëve dhe i ligjit për Organet e Qeverisjes së sistemit të drejtësisë.
Portali u zhvillua nga projekti EURALIUS, i financuar nga Bashkimi Evropian, dhe administrohet nga Shkolla e Magjistraturës që nga 17 dhjetori 2019. Ligjet dhe komentet e tyre shfletohen drejtpërdrejt në portal.