SQ
EN
Në kuadër të Programit të Formimit Vazhdues, Shkolla e Magjistraturës organizoi në datë 12 Janar 2024 aktivitetin trajnues me temë:
“Standardet e provës në këndvështrimin krahasues, mes procesit penal dhe civil”.
Paneli në këtë aktivitet trajnues përbëhet nga:
Ekspert: Henrik Ligori
Ekspert: Vangjel Kosta
Lehtësues: Gentian Habazaj
Qëllimi kryesor i këtij aktiviteti trajnues është të parashtrojë në këndvështrim krahasues dallimet në proçeset penale, administrative dhe civile, të standarteve të proves. Fuqia detyruese apo provuese e një vendimi gjyqësor civil ndaj gjykimit të mosmarrëveshjeve të tjera, vlera e provave të administruara në një process civil/ penal në gjykimin e mëvonshëm civil.
Gjatë këtij aktiviteti u trajtuan tema të ndryshme si:
- Cili është qëllimi i një padie për shpërblim dëmi dhe a dallon me qëllimin e dënimit penal, për një krim që përbën edhe fakt të paligjshëm civil?
- Rregullat e provës në procedurën civile, normojnë ndonjë standard që duhet arritur që pretendimi i njërës prej palëve të quhet i provuar?
- Ligjet shkencore probabilistike: Probabiliteti statistikor & probabiliteti logjik
- Koncepti i “diskrecionit” dhe “vlerës objektive të të provuarit” në sistemin anglo-sankson dhe krahasimi me sistemin tonë procedurial.
- Ç’është koncepti objektiv i vlerësimit të provës etj.
