SQ
EN
Në kuadër të Programit të Formimit Vazhdues, Shkolla e Magjistraturës në bashkëpunim me EIPA organizon në datë 13-14 Korrik aktivitetin trajnues me temë:
“PRAKTIKA GJYQËSORE PËR PROKURIMIN PUBLIK”
Paneli në këtë aktivitet trajnues përbëhet nga:
Prof. Piotr Bogdanowicz – Profesor i Fakultetit të Drejtësisë në Universitetin e Varshavës
Dr. Reida Kashta - Drejtor i Përgjithshëm, Autoriteti i Prokurimit Publik
Juan Diego Ramirez Cardenas Diaz Lektor i Nivelit të Lartë
Gracia Vara Arribas Expert, Lektor i Nivelit të Lartë
Qëllimi kryesor i këtij aktiviteti trajnues është të prezantojë parimet dhe procedurat e politikës evropiane të prokurimit publik, duke u fokusuar në Direktivat e Prokurimit Publik dhe praktikën gjyqësore përkatëse. Një nga pikat kryesore të diskutimit është Direktiva e Prokurimit Publik 2014/24/BE dhe Direktiva e Shërbimeve Komunale 2014/25/BE. Gjatë aktivitetit merren njohuri për zbatimin e praktikave profesionale të prokurimit.
Gjatë këtij aktiviteti u trajtuan tema të ndryshme si:
- Hyrje e përgjithshme në rregullat dhe praktika e Prokurimit Publik Evropian.
- Praktika gjyqësore në Shqipëri për Prokurimin Publik, një hartëzim i gjendjes aktuale.
- Praktika gjyqësore referuese e Gjykatës së Drejtësisë së Bashkimit Evropian për
Prokurimin.
- Praktika gjyqësore referuese e Gjykatës së Drejtësisë së Bashkimit Evropian për
Prokurimin.
- Praktika gjyqësore e fundit e Gjykatës së Drejtësisë të Bashkimit Evropian për prokurimin – fokusi i posaçëm në çështjet e mashtrimit dhe korrupsionit.
- MCQ ushtrim dhe raste praktike.
