SQ
EN
Shkolla e Magjistraturës njofton të gjithë të interesuarit se provimi i pranimit për kandidatët për magjistratë dhe për këshilltarë e ndihmës ligjor, për vitin akademik 2021-2022, do të zhvillohet më:
- 19 Prill 2021 – Faza e parë, testimi elektronik (Scan-Tron), në orën 08:00 pranë Hollit të Pallatit të Koncerteve.
- 22 Prill 2021 – Faza e dytë, testi profesional, në orën 08:00 në Hollin e Pallatit të Koncerteve.
Konkurrentët fitues për kandidatë për magjistratë të Testit Profesional, që kanë arritur 60% të pikëve totale, të renditur në 60 vendet e para, duhet të kalojnë në një testim të lidhur me shëndetin mendor dhe psikologjik. Konkurrentët fitues për kandidatë për këshilltarë dhe ndihmës ligjor të Testit Profesional, që kanë arritur 50% të pikëve totale, të renditur në 20 vendet e para, duhet të kalojnë në një testim të lidhur me shëndetin mendor dhe psikologjik. Ky testim do të realizohet në ambjentet e Shkollës së Magjistraturës përgjatë disa ditëve, të cilat do t’u bëhen me dije kandidatëve fitues pas shpalljes së rezultateve të fazës së dytë.
Për shkak të pandemisë Covid 19, si dhe në zbatim të akteve normative për zbatimin e masave administrative për parandalimin e përhapjes së epidemisë në vendin tonë, konkurrentët, në të gjitha fazat e organizimit të provimit të pranimit, duhet të respektojnë masat e vendosura për parandalimin e përhapjes së epidemisë në vendin tone. Gjithashtu konkurrentët në të gjitha fazat e organizimit të pranimit duhet të kenë me vete dokumentin e identifikimit.
Ju urojmë suksese!